پولیس اور عوام کا براہ راست رابطہ، سی پی او ملتان نے کھلی کچہری لگا دی
کھلی کچہری کے دوران سی پی او ملتان نے شہریوں کی درخواستیں سنی اور موقع پر متعلقہ افسران کو مسائل کے فوری حل کے احکامات جاری کیے۔ انہوں نے کہا کہ عوام کو بروقت انصاف اور تحفظ فراہم کرنا پولیس کی اولین ترجیح ہے اور شہریوں کے مسائل کے حل کے لیے تمام دستیاب وسائل بروئے کار لائے جا رہے ہیں۔
سی پی او صادق علی ڈوگر نے مزید کہا کہ کھلی کچہریوں کے انعقاد کا مقصد شہریوں کو براہ راست پولیس حکام تک رسائی فراہم کرنا اور ان کے مسائل کو ترجیحی بنیادوں پر حل کرنا ہے۔ انہوں نے متعلقہ پولیس افسران کو ہدایت کی کہ شہریوں کی شکایات پر فوری کارروائی کی جائے اور کسی قسم کی غفلت یا کوتاہی برداشت نہیں کی جائے گی۔
اس موقع پر پولیس کے دیگر افسران بھی موجود تھے، جبکہ شہریوں نے کھلی کچہری کے انعقاد کو خوش آئند قرار دیتے ہوئے مسائل کے حل کی امید ظاہر کی۔
