خیبر پختونخوا حکومت کا اخراجات کم کرنے کا فیصلہ
خیبر پختونخوا حکومت نے سرکاری اخراجات کم کرنے کا فیصلہ کرلیا ہے۔ اس حوالے سے محکمہ خزانہ نے باقاعدہ اعلامیہ جاری کردیا ہے۔
اعلامیے کے مطابق صوبے میں نان ایمپلائی ریلیٹڈ اخراجات میں 20 فیصد کمی کی جائے گی۔ اخراجات میں کمی کا یہ فیصلہ یکم اپریل سے 30 جون تک تین ماہ کے لیے نافذ العمل ہوگا۔
محکمہ خزانہ کے مطابق اس فیصلے کے تحت تمام سرکاری محکموں، نیم سرکاری اداروں اور خودمختار اداروں میں تنخواہوں کے علاوہ دیگر اخراجات میں بیس فیصد کمی کی جائے گی۔
اعلامیے میں مزید کہا گیا ہے کہ اخراجات میں کمی کا یہ فیصلہ یکم اپریل سے 30 جون تک نافذ العمل رہے گا۔ محکمہ خزانہ نے تمام پرنسپل اکاؤنٹنگ افسران کو ہدایت کی ہے کہ اس فیصلے پر سختی سے عملدرآمد یقینی بنایا جائے۔
