جویریہ سعود کا انکشاف: شادی پر نہ جہیز لیا گیا نہ کوئی خرچ، سب کچھ سعود نے خود کیا
پاکستانی اداکارہ و میزبان Javeria Saud ان دنوں ایک نجی ٹی وی چینل کی رمضان ٹرانسمیشن کی میزبانی کر رہی ہیں، جہاں مختلف سماجی اور دینی موضوعات پر گفتگو کی جاتی ہے اور ناظرین بھی فون کے ذریعے اپنے مسائل پوچھتے ہیں۔
حال ہی میں پروگرام میں جہیز اور حق مہر کے موضوع پر بات کرتے ہوئے جویریہ سعود نے اپنی شادی سے متعلق دلچسپ انکشاف کیا۔ انہوں نے بتایا کہ جب ان کی شادی اداکار Saud Qasmi سے ہوئی تو انہوں نے جہیز لینے سے صاف انکار کر دیا تھا۔
جویریہ کے مطابق ان کا حق مہر 51 ہزار روپے مقرر کیا گیا تھا، جبکہ گھر کا تمام فرنیچر اور دیگر ضروریات کا انتظام سعود نے خود کیا۔ انہوں نے کہا کہ انہیں رشتہ داروں کی جانب سے ملنے والے تحائف جیسے فریج اور برتن وغیرہ ضرور ملے، لیکن سعود نے جہیز کے طور پر ایک سوئی کے برابر بھی کچھ قبول نہیں کیا۔
انہوں نے مزید بتایا کہ شادی کی مہندی سمیت تمام اخراجات بھی سعود نے خود برداشت کیے اور ان پر کوئی مالی بوجھ نہیں ڈالا۔
آخر میں جویریہ سعود نے دعا کی کہ ہر لڑکی کو ایسا شوہر نصیب ہو جو اس سے ایک روپے کا بھی جہیز نہ لے۔
