ملتان: ملتان کرکٹ اسٹیڈیم ایک بار پھر کرکٹ کے رنگوں میں رنگنے کو تیار
شائقینِ کرکٹ کے لیے خوشخبری یہ ہے کہ میچز کے ٹکٹوں کی فروخت 24 مارچ سے شروع کی جائے گی، جس کے لیے آن لائن اور مقررہ مراکز پر سہولت فراہم کی جائے گی۔ انتظامیہ کے مطابق سیکیورٹی، ٹریفک اور شائقین کی سہولت کے لیے خصوصی انتظامات مکمل کر لیے گئے ہیں۔
ملتان کے کرکٹ شائقین اس ایونٹ کو لے کر خاصے پرجوش ہیں اور اسٹیڈیم میں بھرپور رش متوقع ہے، جہاں شائقین اپنی پسندیدہ ٹیموں کو سپورٹ کرنے کے لیے بڑی تعداد میں شریک ہوں گے۔
