لاہور: گھر میں آتشزدگی سے بچوں سمیت 5 افراد زخمی

لاہور: (عوامی درشن نیوز) کھوکھر چوک کی کچی آبادی میں گھر میں آتشزدگی کے نتیجے میں بچوں سمیت 5 افراد جھلس کر زخمی ہو گئے۔

ریسکیو 1122 عملہ کے مطابق آگ گھر میں گیس سلنڈر لیک ہونے کے باعث لگی۔

ریسکیو حکام کے مطابق زخمیوں میں 19 سالہ علی، 11 سالہ عائشہ، 5 سالہ اویس اور 45 سالہ محمد علی سمیت پانچ افراد شامل ہیں۔

تمام زخمیوں کو ابتدائی طبی امداد کے بعد ہسپتال منتقل کر دیا گیا، جبکہ ریسکیو ٹیموں نے بروقت کارروائی کرتے ہوئے آگ پر قابو پا لیا۔